پاکستان تحریک انصاف کے بانی اور ان کی پارٹی مودی کی زبان بول رہی ہے وزیر مملکت

پاکستان نیوز پوائنٹ
وزیر مملکت برائے خزانہ و ریلوے بلال اظہر کیانی نے کہا ہے کہ پاکستان تحریک انصاف کے بانی عمران خان اور ان کی پارٹی مودی کی زبان بول رہی ہے۔بلال اظہرنے 124 کلومیٹر للہ جہلم روڈ کی تعمیراتی سائٹ کا دورہ کیا اور کاموں کا جائزہ لیا۔ اس موقع پر میڈیا سے گفتگو میں کہا کہ اگلے 6 ماہ میں منصوبے کو مکمل کریں گے، للہ جہلم روڈ کی تعمیر سےجہلم اور اردگرد کےشہریوں کی مشکل کا خاتمہ ہوگا۔ان کا کہنا تھاکہ بانی پی ٹی آئی اور ان کی پارٹی مودی کی زبان بول رہی ہے جس فوج نے پاکستان کو دشمن کے خلاف فتح دلائی، پی ٹی آئی اسی کو نشانہ بنارہی ہے۔انہوں نے مزید کہا کہ پی ٹی آئی سیاست کے نام پر ریاست پر حملہ آور ہے، کوئی محب وطن ایسی زبان استعمال نہیں کرسکتا جو پی ٹی آئی اور بانی استعمال کررہے ہیں۔ان کا کہنا تھاکہ بیرون ملک جھوٹ بولنے والے پی ٹی آئی حامیوں کوسزائیں ہورہی ہیں۔