ہونہار اسکالر شپ پاکستان کی تاریخ کا پہلا سب سے بڑا اسکالر شپ پروگرام ہے وزیر اعلیٰ پنجاب مریم نواز

پاکستان نیوز پوائنٹ
وزیر اعلیٰ پنجاب مریم نواز کا کہنا ہے کہ بطور وزیر اعلیٰ ایک بھی تقرری سفارش پر نہیں کی۔ وزیر اعلیٰ پنجاب مریم نوازشریف کا گورنمنٹ کالج ویمن یونیورسٹی سیالکوٹ میں ہونہار اسکالر شپ کی تقریب سے خطاب کرتے ہوئے کہا ہے کہ مجھے اپنے بچوں پر بے حد فخر ہے، آپ سب کو مبارک ہو، مجھے آج بہت خوشی ہو رہی ہے۔انہوں نے کہا کہ ہونہار اسکالر شپ پاکستان کی تاریخ کا پہلا سب سے بڑا اسکالر شپ پروگرام ہے. ہونہار بیٹے اور بیٹیوں کو دیکھ کر بہت خوش ہوں. گارڈ آف آنر طلبہ کی قابلیت اور محنت کا اعتراف ہے. رانا سکندر اور انکی پوری ٹیم کو دل کی گہرائی سے شاباش دیتی ہوں. آج یہاں تمام ٹاپر لڑکیاں ہیں. لڑکیاں کسی میدان میں پیچھے نہیں، یہ تمام بیٹیاں ہمارا فخر ہیں۔مریم نواز شریف نے کہا کہ ہم آج علامہ اقبال کے شہر میں کھڑے ہیں. طلباء نے بہت ہی اچھا کلام اقبال پڑھا. اقبال نے اپنے کلام میں نوجوانوں کا ذکر کیا ہے. 30 ہزار بچوں کو اسکالرشپ دی جا رہی ہیں، آپ لوگوں کے پاس آکر جب میں نے یہ اسکالرشپز دی اور جو پیار آپ سے مجھے ملا میرے لیے یہ بہت بڑی بات ہے۔ وزیر اعلیٰ پنجاب نے کہا کہ ایک بھی اسکالرشپ سفارش پر نہیں دی گئی، 100 فیصد میرٹ کو یقینی بنایا گیا.بطور وزیر اعلیٰ ایک بھی تقرری سفارش پر نہیں کی. میرے اوپر پورے صوبے کی ذمہ داری ہے، یہ اسکالرشپ بہت جلد سیکنڈ اور تھرڈ ائیر کے بچوں کو بھی ملے گی. مجھے بہت اچھا لگتا ہے جب آپ مجھے ماں کہہ کر پکارتے ہو، وسائل کی کمی کے باوجود محنت جاری رکھنے والے طلبہ کو سلام پیش کرتی ہوں۔انہوں نے کہا کہ بچوں کو پڑھانے والے والدین کی معاشی مشکلات کا اندازہ ہے. اسکالر شپ ملنے پر شکریہ ادا نہ کرے. یہ آپ کا حق اور محنت کا ثمر ہے. پنجاب بھر میں بلاتفریق سب بچوں کو اسکالر شپ مل رہے ہیں. ہونہار اسکالر شپ کو 30 ہزار سے 50 ہزار تک بڑھائیں، عوام کا پیسہ عوام کی امانت ہے عوام پر ہی لگنا چاہیے. اللہ تعالیٰ اور عوام کے سامنے سرخرو ہوں کوئی اسکالر شپ سفارش پر نہیں دی گئی۔

Leave a Reply

Your email address will not be published. Required fields are marked *