یونیورسٹی آف ہیلتھ سائنسز نے ایم بی بی ایس سیکنڈ پروفیشنل سالانہ امتحانات 2024ء کے نتائج کا اعلان کر دیا

پاکستان نیوز پوائنٹ
ترجمان یو ایچ ایس کے مطابق 45 میڈیکل کالجوں کے 5425 امیدواروں نے امتحان میں شرکت کی ، جن میں سے 4687 پاس جبکہ 728 فیل قرار پائے ۔ امتحانات میں کامیابی کا تناسب 86.56 فیصد رہا ۔ عزیز فاطمہ میڈیکل کالج فیصل آباد کے محمد حسان امتیاز نے 900 /826 نمبر لے کر پہلی پوزیشن حاصل کی، جبکہ شیخ خلیفہ بن زید النہیان میڈیکل کالج لاہور کے اسد علی نے 817 نمبروں کے ساتھ دوسری پوزیشن حاصل کی۔ عزیز فاطمہ میڈیکل کالج فیصل اباد کی آمنہ مفتی نے 804 نمبر لے کر تیسری پوزیشن حاصل کی۔ تمام نتائج یونیورسٹی آف ہیلتھ سائنسز کی ویب سائٹ پر دیکھے جا سکتے ہیں ۔