انڈیا پاکستان اور خطے کے دیگر ممالک میں دہشت گردی پھیلا رہا ہے ڈی جی آئی ایس پی آر

پاکستان نیوز پوائنٹ
پاکستان کی فوج کے شعبہ ابلاغ عامہ (آئی ایس پی آر) کے ڈائریکٹر جنرل لیفٹیننٹ جنرل احمد شریف نے کہا ہے کہ ’انڈیا پاکستان اور خطے کے دیگر ممالک میں دہشت گردی پھیلا رہا ہے۔ڈی جی آئی ایس پی آر نے منگل کو راولپنڈی میں پریس بریفنگ کے دوران کہا کہ ’سات دن قبل ہونے والے واقعے پر پاکستان پر انڈیا کی جانب سے بے بنیاد الزامات لگائے گئے۔ ہم آج ثبوت پیش کریں گے کہ کس طرح پاکستان میں انڈین سپانسرڈ دہشت گردی ہو رہی ہے۔انہوں نے واٹس ایپ چیٹ کے کچھ سکرین شاٹس بتاتے ہوئے کہا کہ ’انڈین آرمی کے حاضر سروس آفیسرز پاکستان میں دہشت گردی کروا رہے ہیں۔پریس بریفنگ کے دوران کچھ آڈیو ٹیپس اور ویڈیوز بھی نشر کی گئیں جن سے متعلق ڈی جی آئی ایس پی آر نے دعویٰ کیا کہ ’انڈین فوج کے افسر اور اہلکار یہاں موجود دہشت گردوں کی آن لائن ٹریننگ کر رہے ہیں اور انہیں دھماکہ خیر مواد فراہم کر رہے ہیں۔ ڈی جی آئی ایس پی آر نے کہا کہ بھارت پاکستان سمیت پورے خطے میں دہشت گردی کر رہا ہے ۔ بھارت پاکستان پر بے بنیاد الزامات لگا رہا ہے۔ پہلگام واقعے کو 7 دن گزر گئے، ابھی تک ثبوت نہیں دیئے گئے۔ بھارت دہشت گردوں کو اسلحہ اور سہولت کاری فراہم کرتا ہے۔ گرفتار عبدالمجید کے گھر سے بھارتی ڈرون برآمد ہوا۔ گرفتار شخص کے موبائل سے بھارت میں ہوئی بات چیت کے شواہد ملے۔