ایف بی آر کا ٹیکس نیٹ بڑھانے کیلئے ڈاکٹرز بیوٹی پارلرز اور سیمنٹ سیکٹرز کے آڈٹ کا فیصلہ

پاکستان نیوز پوائنٹ
فیڈرل بورڈ آف ریونیو (ایف بی آر) نے ٹیکس نیٹ بڑھانے کیلئے پروفیشنلز کے آڈٹ کا فیصلہ کیا ہے۔ذرائع کا کہنا ہے کہ مختلف شعبوں کے آڈٹ کیلئے 600 نجی آڈیٹرز کی خدمات حاصل کر لی گئی ہیں، اگلے چند روز میں مزید 200 نجی آڈیٹرز ہائر کیئے جائیں گے۔ذرائع کا بتانا ہے کہ ایف بی آر مجموعی طور پر 2 ہزار نجی آڈیٹرز کی خدمات حاصل کرے گا، نجی آڈیٹرز ٹیکس دہندگان کی معلومات خفیہ رکھنے کے پابند ہوں گے۔ذرائع ایف بی آر کے مطابق بھاری فیس لینے والے ڈاکٹرز کو ٹیکس نیٹ میں لایا جائے گا، کراچی، لاہور اور اسلام آباد میں بڑے ڈاکٹرز کو نوٹس کا اجراء شروع ہو گیا ہے۔ذرائع کا بتانا ہے کہ پہلے مرحلے میں تینوں بڑے شہروں میں 250 مہنگے ڈاکٹرز کی آمدن کا آڈٹ ہو گا، کراچی اور لاہور میں 100، 100 جبکہ اسلام آباد میں 50 ڈاکٹرز کا آڈٹ کیا جائے گا۔ایف بی آر ذرائع کے مطابق بڑے شہروں میں مہنگے بیوٹی پارلرز کو بھی ٹیکس نیٹ میں لایا جائے گا اور مہنگی کاسمیٹکس فروخت کرنے والوں کو بھی ٹیکس دینا پڑے گا۔ اس کے علاوہ پینٹ سیکٹر میں بھی ٹیکس چوری، نجی کمپنیاں زد میں آئیں گی۔