بیرون ممالک جانے والوں کیلئے خوشخبری نائب وزیر اعظم کاکم لاگت میں قونصلر سہولیات دینے کا حکم

پاکستان نیوز پوائنٹ
نائب وزیراعظم و وزیر خارجہ اسحاق ڈار کی زیر صدارت قونصلر سروسز سے متعلق اجلاس ہوا جس کے دوران وزارتِ خارجہ کی جانب سے فراہم کی جانے والی قونصلر خدمات کا جائزہ لیا گیا۔ ترجمان دفتر خارجہ نے وزارتِ خارجہ، قونصلر امور ٹیم کی عوام کو فراہم کی جانے والی تصدیق اور اپوسٹائل خدمات کی نمایاں خصوصیات اور مؤثر نظام پر تفصیلی بریفنگ دی۔ ترجمان دفتر خارجہ نے بتایا کہ نائب وزیراعظم نے قونصلر سروسز ٹیم کی جانب سے کیے گئے اقدامات کا جائزہ لیا، نائب وزیراعظم نے شفاف اور مؤثر تصدیق کو وزارتِ خارجہ کے مشن کی بنیاد قرار دیا۔ نائب وزیراعظم نے عوام کو کم سے کم لاگت اور بروقت سہولیات فراہم کرنے کے لیے مزید کوششوں پر زور دیا گیا,اجلاس میں معاونِ خصوصی طارق باجوہ اور وزارتِ خارجہ کے سینئر حکام نے شرکت کی۔