جدہ سے لاہور آنیوالی پی آئی اے کی پرواز بڑے حادثے سے بچ گئی

پاکستان نیوز پوائنٹ
پی آئی اے کی جدہ سے لاہور آنے والی پرواز بڑے حادثے سے بچ گئی، طیارےکو بحفاظت اتار لیا گیا۔ تفصیلات کے مطابق جدہ سے لاہور سے آنیوالی پی آئی اے کی پرواز حادثے سے بچ گئی. پرواز پی کے 860 جدہ سے لاہور کیلئے اڑان بھری تھی .لیکن اڑان بھرنے کے کچھ ہی دیر بعد پرواز ناہموار ہوگئی، طیارے کے کیبن میں ہوا کا دباو کم ہوگیا۔طیارے میں آکسیجن کی کمی ہوگئی، جہاز میں خودکار نظام کے تحت مسافروں کی نشستوں پر لگے آکسیجن ماسک نیچے گر گئے۔مسافروں کو آکسیجن ماسک لگانے کی ہدایت کی گئی .جس کے بعد بعض مسافروں میں خوف و ہراس پھیل گیا۔پی آئی اے کے عملے نے مسافروں کو تسلی دی اور آکسیجن ماسک لگانے میں مدد فراہم کی، کپتان نے حاضر دماغی اور پیشہ وارانہ مہارت کا مظاہرہ کرتے ہوئے طیارے کو کنٹرول کیا. کپتان کا نزدیک ترین دمام ایئرپورٹ کے ایئر ٹریفک کنٹرولر سے رابطہ کیا اور ان سے ہنگامی لینڈنگ کی اجازت طلب کیا. کپتان نے اجازت ملنے پر طیارے کو بحفاظت اتار لیا۔ترجمان پی آئی اے کا کہنا ہے کہ طیارے کو گراونڈ کردیا گیا ہے اور مسافروں کو تمام تر سہولتیں فراہم کی گئی ہیں. یہ واقعہ جمعہ کی شب پیش آیا تھا .جس کے بعد مسافروں کو متبادل پرواز کے ذریعے لاہور پہچا دیا گیا ہے۔