پاکستان نیوز پوائنٹ
امریکی صدر ڈونلڈ ٹرمپ نے ایران کے ساتھ جنگ بندی کے خاتمے اور دوبارہ حملے کا اشارہ دے دیا ہے۔ ایک سوال کے جواب میں صدر نے کہا کہ شاید حملے کی ضرورت پڑ جائے۔ تفصیلات کے مطابق صدر ٹرمپ نے اوول آفس میں صحافیوں سے گفتگو کے دوران جنگ بندی کے متعلق ایک سوال کا جواب دیتے ہوئے کہا کہ مجھے نہیں لگتا کہ اس کی ضرورت پڑے گی.لیکن شاید پڑ بھی سکتی ہے۔ ایران کے خلاف فوجی آپریشن کا آغاز بہت پہلے ہوجانا چاہئے تھا۔گفتگو کے دوران صدر ٹرمپ نے دعویٰ کیا کہ امریکا نے ایران کی 90فیصد میزائل فیکٹریاں تباہ کردیں، ایران پر جو پابندیاں لگائی گئیں، وہ کامیاب ہیں، جبکہ ایرانی معیشت تباہی کی جانب گامزن ہے۔ ایران کو جوہری ہتھیار رکھنے کی اجازت نہیں اور ایران معاہدہ کرنے کیلئے بے چین ہے۔ صدر ٹرمپ نے کہا کہ ایرانی قیادت کے حوالے سے غیر یقینی صورتحال ایک بڑا مسئلہ ہے کیونکہ کسی کو معلوم نہیں کہ وہاں اصل لیڈر کون ہے۔ایران کو فٹبال ورلڈ کپ کی اجازت دینی چاہئے۔ میں نے 8 جنگیں گکوائی، پاک بھارت جنگ بھی اس میں شامل ہے۔ پاکستان اور بھارت کے مابین جنگ میں 11 طیارے گر چکے تھے۔
