سینیٹ کی قائمہ کمیٹی برائے قانون و انصاف نے بلوچستان میں نشستیں بڑھانے کے آئینی ترمیمی بل کی منظوری دے دی

پاکستان نیوز پوائنٹ
نجی ٹی وی جیو نیوز کے مطابق سینیٹر فاروق ایچ نائیک کی زیر صدارت سینیٹ کی قائمہ کمیٹی برائے قانون و انصاف کا اجلاس ہوا۔
بلوچستان میں نشستیں بڑھانے کے آئینی ترمیمی بل سے متعلق بنائی گئی ذیلی کمیٹی کی رپورٹ اجلاس میں پیش کی گئی۔
سینیٹر ضمیر حسین نے کہا کہ ہم نے تجویز کیا ہے کہ بلوچستان میں نشستیں 65 سے 80 کی جائیں جبکہ سینیٹر کامران مرتضیٰ کا کہنا تھا کہ بڑھانی ہیں تو قومی اسمبلی میں سیٹیں بڑھائیں فاروق ایچ نائیک کا کہنا تھا کہ رپورٹ میں یہ نہیں ہے کہ خواتین کی نشستیں اور اقلیتوں کی نشستیں کتنی کتنی ہوں گی، ہم اس بل کو وزارت قانون کو بھیج دیتے ہیں۔ سینیٹر ضمیر حسین گھمرو کا کہنا تھا کہ اگر جنرل سیٹیں بڑھیں گی تو مخصوص نشستیں خودبخود بڑھ جائیں گی، جس پر چیئرمین کمیٹی کا کہنا تھا کہ اقلیت کی نشستیں زیادہ بڑھیں گی بل میں کم ہے، بل میں جو ٹیبل بنایا گیا اسے منظور کر لینا چاہئے۔ سینیٹر کامران مرتضیٰ کا کہنا تھا کہ 63 اے میں 4 جگہیں ہیں جہاں پر پابندی ہے، جس پر چیئرمین کمیٹی فاروق ایچ نائیک کا کہنا تھا کہ ایوان میں جب رپورٹ آئے تو آپ اعتراضات اٹھائیے گا۔