عالمی اور ملکی بازاروں میں سونے کی قیمتوں میں تیزی سے اضافہ جاری

پاکستان نیوز پوائنٹ
عالمی اور ملکی بازاروں میں سونے کی قیمتوں میں تیزی سے اضافہ جاری ہے. جس کا اثر عام صارفین اور سرمایہ کاروں دونوں پر واضح نظر آ رہا ہے۔ آج سونے کی قیمتوں میں ہزاروں روپے کا اضافہ دیکھنے میں آیا ہے۔بین الاقوامی سطح پر سونے کی قیمتوں میں نمایاں اضافہ ہوا ہے جہاں فی اونس سونا 43 امریکی ڈالر کے اضافے کے ساتھ 3,400 ڈالر کی سطح پر پہنچ گیا ہے۔ اس عالمی مارکیٹ میں اضافہ ملکی بازار پر بھی اثر انداز ہوا. جہاں سونے کی قیمتوں میں تیزی دیکھی گئی۔پاکستانی مارکیٹ میں بھی سونے کی قیمتوں نے ریکارڈ اضافہ کیا ہے، جس کے باعث فی تولہ سونا 4,300 روپے مہنگا ہو کر 3 لاکھ 58 ہزار 400 روپے تک پہنچ گیا ہے۔ اسی طرح، فی دس گرام سونے کی قیمت میں بھی 3,687 روپے کا اضافہ ہوا ہے، جو اب 3 لاکھ 7 ہزار 270 روپے پر پہنچ گئی ہے۔ماہرین کے مطابق عالمی مارکیٹ میں سونے کی قیمتوں میں یہ اضافہ مختلف عالمی اقتصادی عوامل، جیسے کہ کرنسی کی قدر میں کمی اور بین الاقوامی سیاسی صورتحال کی وجہ سے ہوا ہے، جو سرمایہ کاروں کو محفوظ اثاثوں کی طرف راغب کر رہا ہے۔سونے کی بڑھتی ہوئی قیمتوں نے صارفین اور سرمایہ کاروں کے لیے خبردار کر دیا ہے کہ وہ اپنے سرمایہ کاری کے فیصلے احتیاط سے کریں کیونکہ قیمتی دھات کی قیمتوں میں مسلسل اتار چڑھاؤ سے منافع یا نقصان کا خدشہ بڑھ جاتا ہے۔