مرغی کے گوشت کی قیمت قابو سے باہر

پاکستان نیوز پوائنٹ
کوئٹہ میں مرغی کے گوشت کی قیمت میں اضافے کے بعد فی کلو مرغی 880 روپےکی ہوگئی۔مارکیٹ ذرائع کے مطابق مرغی کے فی کلو گوشت کی قیمت میں ایک روز میں 54 روپے اضافہ ہوگیا، جس کے بعد مرغی کے فی کلو گوشت کی قیمت 746 سے بڑھ کر 800 روپے ہوگئی ہے جبکہ کچھ مقامات کر مرغی 880 روپے فی کلو میں فروخت ہو رہی ہے۔مارکیٹ ذرائع کے مطابق مرغی کےگوشت کے سرکاری نرخ 595 روپے فی کلو ہیں جبکہ رمضان اورعید پرمرغی کاگوشت 840 روپے تک میں فروخت کیا جا رہا تھا۔دوسری جانب سیکرٹری زراعت پنجاب نے مرغی کی قیمتوں سے متعلق 2 الگ الگ فہرستیں جاری کرنے پر نوٹس جاری کردیا۔ذرائع کے مطابق سیکرٹری زراعت پنجاب نے مارکیٹ کمیٹیوں کے افسران کے خلاف کارروائی اور مرغی کی قیمت سے متعلق سرکاری لسٹ پرعمل کرنے کا حکم دیا ہے۔