ملک بھر میں سوشل میڈیا پلیٹ فارمز بشمول ایکس فیس بُک انسٹاگرا اور ٹک ٹاک عارضی طور پر معطل یا سست روی کا شکار ہوگئے ہیں

پاکستان نیوز پوائنٹ
ملک بھر میں سوشل میڈیا پلیٹ فارمز بشمول ایکس، فیس بُک، انسٹاگرا اور ٹک ٹاک عارضی طور پر معطل یا سست روی کا شکار ہوگئے ہیں۔ ملک کے مختلف علاقوں میں سوشل میڈیا سروسز تاحال متاثر ہیں جس کی وجہ سے صارفین کو مشکلات کا سامنا کرنا پڑ رہا ہے ،ہفتہ رات سے ہی تمام سوشل میڈیا پلیٹ فارمز تعطل کا شکار رہے جس سے پی ٹی سی ایل انٹرنیٹ اور گوگل سروسز کو اپنی معمول کے آپریشنز انجام دینے میں دشواری کا سامنا رہا۔ تاحال سوشل میڈیا پلیٹ فارمز کے اس تعطل کی وجوہات سامنے نہیں آسکی ہیں، پاکستان ٹیلی کمیونکیشن اتھارٹی ( پی ٹی اے) نے بھی ابھی تک اس حوالے سے کوئی بیان جاری نہ کیا۔