پاکستان نیوز پوائنٹ
وزیراعظم فیول سبسڈی سکیم پنجاب بھر میں کامیابی سے جاری ہے، صوبے میں اب تک 46 لاکھ سے زائد افراد رجسٹرڈ ہوچکے ہیں۔
ایڈیشنل چیف سیکرٹری پنجاب افتخار علی سہو کے مطابق پنجاب میں اب تک 55 لاکھ افراد کو فیول سبسڈی کے ٹوکن جاری کیے جاچکے ہیں، جبکہ 44 لاکھ سے زائد افراد ٹوکن حاصل کرکے سکیم سے استفادہ کرچکے ہیں۔افتخار علی سہو کے مطابق وزیراعظم فیول سبسڈی پنجاب بھر کے 6 ہزار 420 پٹرول پمپس پر فراہم کی جا رہی ہے، جہاں رجسٹرڈ شہری ٹوکن کے ذریعے سبسڈی حاصل کر رہے ہیں۔
انہوں نے بتایا کہ سکیم پر عملدرآمد کی نگرانی کے لیے پنجاب بھر میں مختلف انسپکشن ٹیمیں بھی تشکیل دی گئی ہیں جو پٹرول پمپس کے دورے کر رہی ہیں اور فیول سبسڈی کی فراہمی کے عمل کا جائزہ لے رہی ہیں۔
