وزیراعظم کا میجر حسنین شہزاداورکیپٹن عبدالصمد کی شہادت پر دکھ کااظہار

پاکستان نیوز پوائنٹ
وزیراعظم شہباز شریف نے میجر حسنین شہزاداورکیپٹن عبدالصمد کی شہادت پر دکھ کااظہارکیا ہے۔نجی ٹی وی چینل دنیا نیوز کے مطابق وزیراعظم شہبازشریف نے شہدا کے اہلخانہ سے دلی تعزیت اور صبر کی دعا کی،وزیراعظم کاکہناتھا کہ ملک کیلئے جانیں قربان کرنے والے بہادر سپوت قوم کا فخر ہیں،قوم شہدا کی قربانیوں کی قدر کرتی ہے اور اہل خانہ کے غم میں برابر کی شریک ہے۔یادرہے کہ کوئٹہ کے علاقے نواں کلی کے قریب پاک فوج کے ایوی ایشن ونگ کا مشتاق تربیتی طیارہ حادثے کا شکارہو گیا،حادثے میں دونوں پائلٹس شہیدہو گئے۔آئی ایس پی آر کے مطابق کوئٹہ کے علاقے نواں کلی کے قریب تکنیکی خرابی کے باعث طیارہ حادثے کا شکار ہوا، حادثے میں طیارے کے دونوں پائلٹس نے جام شہادت نوش کیا، آئی ایس پی آر کے مطابق شہدا میں انسٹرکٹرپائلٹ میجر حسنین شہزاد اور زیرتربیت پائلٹ کیپٹن عبدالصمد شامل ہیں۔