کریڈٹ کارڈز سے خریداری پاکستانیوں نے سب ریکارڈ توڑدیئے

پاکستان نیوز پوائنٹ
جدید ٹیکنالوجی کے دور میں جیسے جیسے جدت آرہی ہے ویسے ہی پاکستانی بھی دنیا میں کسی سے پیچھے نہیں۔ جدید دور میں دنیا بھر کے لوگوں نے نیٹ کیش کی جگہ جیسے ڈیجیٹل کرنسی اور کریڈٹ کارڈز کو دیئے ہیں اسی طرح پاکستان میں بھی روز بروز اس رجحان میں اضافہ ہوتا جا رہا ہے۔ جس کی مثال پچھلے دو سالوں میں پاکستان میں کریڈٹ کارڈز کا بڑھتا ہوا رجحان ہے۔پاکستان میں کریڈٹ کارڈز کے ذریعے خریداری کے رجحان میں اکتوبر کے دوران نمایاں اضافہ ریکارڈکیاگیا۔سٹیٹ بینک کے اعدادوشمار کے مطابق اکتوبر 2024 میں کریڈٹ کارڈز کے ذریعے صارفین نے 134 ارب روپے کی ادائیگیاں اور خریداری کی جو گزشتہ سا ل اکتوبر کے مقابلے میں 27 فیصد زیادہ ہے، گزشتہ سا ل اکتوبر میں صارفین نے کریڈٹ کارڈز کے ذریعے 105 ارب روپے کی خریداری کی تھی۔ ستمبر کے مقابلے میں اکتوبر میں کریڈٹ کارڈز کے ذریعے خریداری میں ماہانہ بنیاد پر 1.4 فیصد اضافہ ہوا، ستمبر میں صارفین نے کریڈٹ کارڈذ کے ذریعے 132 ارب روپے کی خریداری اور ادائیگیاں کیں جو اکتوبر میں بڑھ کر 134 ارب روپے ہو گئی۔