یادگار شہدا جی ایچ کیو میں فیلڈ مارشل عاصم منیر کے اعزاز میں گارڈ آف آنر کی خصوصی تقریب

پاکستان نیوز پوائنٹ
فیلڈ مارشل سید عاصم منیر کے اعزاز میں جی ایچ کیو میں یادگار شہدا پر خصوصی تقریب کا انعقاد کیا گیا، فیلڈ مارشل عاصم منیر کو گارڈ آف آنر پیش کیا گیا۔آئی ایس پی آر کے مطابق فیلڈ مارشل عاصم منیر نے یادگارِ شہداء پر پھولوں کی چادر چڑھائی اور فاتحہ خوانی کی، انہوں نے شہدا کو خراج عقیدت پیش کیا تقریب سے خطاب کرتے ہوئے فیلڈ مارشل نے کہا کہ یہ اعزاز پوری پاکستانی قوم اور پاکستان کی مسلح افواج کے بہادر مرد و خواتین کو خراجِ تحسین ہے، بہادر پاکستانی قوم اور مسلح افواج بھارت کی بلااشتعال، بزدلانہ جارحیت کیخلاف سیسہ پلائی دیوار بن کر کھڑی رہیں۔