یوکرین روس جنگ بندی یوکرینی صدر کل ٹرمپ سے ملاقات کریں گے

پاکستان نیوز پوائنٹ
یوکرین کے صدر زیلنسکی جنگ کے خاتمے پر بات کرنے کے لیے اتوار کو امریکی صدر سے فلوریڈا میں ملاقات کریں گے۔ غیرملکی خبررساں ادارے کے مطابق یوکرین کے صدر ولادمیر زیلنسکی نے کہا ہے کہ مذاکرات میں خاصی بہتر پیش رفت ہورہی ہے مگر انہیں خدشہ ہے کہیں روس ان مذاکرات کو سبوتاژ نہ کردے۔ یورپ میں دوسری جنگ عظیم کے بعد سب طویل جنگی تنازعے پر امریکا کی خصوصی کوششوں کے حوالے سے زیلینسکی نے بتایا کہ نئے سال کے آغاز سے قبل کافی کچھ طے ہوچکا ہے۔ انہوں نے مزید بتایا ہے کہ امریکی صدر سے ہونے والی بات چیت میں وہ مشرقی یوکرین اور زاپورزشیا ایٹمی پلانٹ کے حوالے سے بھی گفتگو کریں گے جن پر اس وقت روس کا قبضہ ہے۔