پاکستان نیوز پوائنٹ
سائبر ایمرجنسی ریسپانس ٹیم نے فِشنگ الرٹ جاری کردیا ۔ ایس ایم ایس واٹس ایپ اور کالز کے ذریعے فِشنگ حملوں میں اچانک سے اضافہ ہوگیا ہے ۔ جعلی پیغامات اور کالز کے ذریعے شہریوں کی ذاتی معلومات چرائے جانے کا انکشاف ہوا ہے ۔نیشنل سائبر ایمرجنسی ریسپانس ٹیم نے صارفین کو خبردار کرتے ہوئے کہاہے کہ کسی نامعلوم لنک پر کلک کریں نہ مشکوک پیغامات یا کالز کا ہرگز جواب دیں بینک اکائونٹ، شناختی کارڈ یا او ٹی پی کوڈ کسی کے ساتھ شیئر نہ کریں،غیر تصدیق شدہ ویب سائٹس اور لنکس کے ذریعے لاگ ان سے گریز کریں،صرف سرکاری چینلز استعمال کریں، اپنی ذاتی معلومات محفوظ رکھیں فِشنگ پیغامات میں اکثر انعامات، لاٹری یا بینک الرٹ کا جھانسہ دیا جاتا ہے، ایمرجنسی ریسپانس ٹیم کی شہریوں سے احتیاط برتنے اور جعلی نمبروں کو بلاک کرنے کی اپیل کی ہے، کسی مشکوک لنک پر کلک ہو جائے تو فورا پاس ورڈ تبدیل کریں اور متعلقہ ادارے کو اطلاع دیں،اپنے موبائل اور ای میل اکائونٹس میں دوہری تصدیق فیکٹر فعال رکھیں،حکومتِ پاکستان کی آگاہی مہم فِشنگ سے بچیں، اپنی معلومات محفوظ بنائیں،آگاہی ویڈیو ضرور دیکھیں اور اپنے دوستوں و اہلِ خانہ کے ساتھ شیئر کریں،جعلی پیغامات، کالز کے خلاف فوری کارروائی کیلئے نیشنل سائبر ایمرجنسی ریسپانس ٹیم سے رابطہ کریں،کسی بھی ادارے کا نمائندہ فون یا ایس ایم ایس پر آپ سے پاس ورڈ یا کوڈ نہیں مانگتا،فِشنگ حملے ملکی سطح پر بڑھ رہے ہیں، ہوشیاری اور آگاہی ہی بہترین دفاع ہے۔
