آپریشن سندور کے بعد بھارت کا مبینہ فالس فلیگ منصوبہ بے نقاب سیکیورٹی ذرائع

پاکستان نیوز پوائنٹ
سیکیورٹی ذرائع کا کہنا ہے کہ آپریشن سندور میں مبینہ ناکامی اور سفارتی تنہائی کے بعد بھارت ایک اور فالس فلیگ آپریشن کی تیاری کر رہا ہے۔ذرائع کے مطابق مودی حکومت پاکستان کی سفارتی کامیابیوں اور عالمی سطح پر بڑھتی ہوئی اہمیت کے باعث دباؤ کا شکار ہے۔ اور اسی تناظر میں پرانے طریقہ کار کے تحت فالس فلیگ ڈرامہ رچانے کی کوشش کی جا رہی ہے۔سیکیورٹی ذرائع کا دعویٰ ہے کہ بھارتی وزیردفاع اور خفیہ ایجنسی “را” انتخابات کے قریب آتے ہی مغربی بنگال، آسام اور دیگر ریاستوں میں انتخابات قریب آتے ہی فالس فلیگ کا آغاز کر دیا ہے۔ذرائع کے مطابق بھارتی میڈیا کبھی پاکستان کے دیوالیہ ہونے اور کبھی سفارت کاری پر بے بنیاد بیانیہ تشکیل دے رہا ہے۔ بھارتی جیلوں میں قید افراد کو نشانہ بنا کر فالس فلیگ کارروائیوں کا خدشہ ہے۔ جس کا مقصد عالمی توجہ ہٹانا اور داخلی سیاسی فائدہ حاصل کرنا ہو سکتا ہےدوسری جانب ماہرین کا کہنا ہے کہ بھارت ماضی میں بھی اس نوعیت کی حکمت عملی استعمال کرتا رہا ہے۔ تاہم عالمی برادری اب ایسے بیانیوں سے بخوبی آگاہ ہے۔تجزیہ کاروں کے مطابق خطے میں کشیدگی کے پیش نظر ایسے الزامات کی آزادانہ تصدیق ضروری ہے تاکہ صورتحال کی درست تصویر سامنے آ سکے۔عالمی ماہرین کے مطابق مودی مختلف بھارتی ریاستوں میں انتخابات سے قبل پاکستان مخالف جذبات ابھار کر سیاسی عزائم کے حصول کی ناکام کوششیں کر رہا ہے، بھارت کے مسترد شدہ فالس فلیگ ڈرامے کا تسسل واضح کرتا ہے کہ آپریشن سندور کی ناکامی سے اس نے کوئی سبق نہیں سیکھا، اور مزید ہزیمت کا سامنا ابھی باقی ہے۔ماہرین کے مطابق اقوامِ عالم بھارتی میڈیا کے گمراہ کن پروپیگنڈےاورریاستی سرپرستی میں فالس فلیگ آپریشنزکی تاریخ سےبخوبی آگاہ ہیں، معرکۂ حق کی کامیابی کو ایک سال مکمل ہونے کو ہے اورکسی بھی بھارتی مہم جوئی کا جواب پہلے سے زیادہ شدید، مؤثراور فیصلہ کن ہوگا۔