پاکستان نیوز پوائنٹ
گورنر پنجاب سے وفاقی وزیر برائے منصوبہ بندی و ترقی احسن اقبال نے ملاقات کی، جس میں ملک کی مجموعی سیاسی صورتحال پر تفصیلی تبادلہ خیال کیا گیا۔اس موقع پر وفاقی وزیر احسن اقبال نے کہا کہ ہر مسئلے کا حل مذاکرات ہیں۔ انہوں نے اپوزیشن کو مذاکرات کی میز پر آنے کی دعوت دیتے ہوئے کہا کہ وزیراعظم نے پہلے بھی اور اب بھی اپوزیشن کو مذاکرات کی دعوت دی ہے۔گورنر پنجاب نے کہا کہ پیپلزپارٹی اور مسلم لیگ (ن) اتحادی ہیں اور ملکی مفاد کے لیے ایک پیج پر ہیں۔ انہوں نے کہا کہ سیاسی استحکام کے بغیر معاشی استحکام ممکن نہیں، اس لیے ملک کے وسیع تر مفاد میں مل کر کام کرنے کی ضرورت ہے۔
