پاکستان نیوز پوائنٹ
متحدہ عرب امارات اور سویڈن کی مشترکہ کارروائی میں عالمی منی لانڈرنگ نیٹ ورک کے مبینہ سربراہ کو یو اے ای میں گرفتار کرلیا گیا۔ اماراتی وزارت داخلہ کے مطابق گرفتار شخص سویڈن کا شہری ہے اور اس کے خلاف انٹرپول ریڈ نوٹس جاری تھا۔ اماراتی حکام کے مطابق سویڈن میں نیٹ ورک کے مزید 6 مبینہ ارکان کو بھی گرفتار کیا گیا ہے، تحقیقات کے دوران انکشاف ہوا کہ گروہ نے 10 ماہ کے دوران تقریباً 7 کروڑ سویڈش کرونا منتقل کیے۔حکام کا کہنا ہے کہ رقم جرائم سے حاصل آمدن کو چھپانے اور اسے دیگر جرائم پیشہ گروہوں تک پہنچانے کے لیے استعمال کی جاتی تھی۔
