پاکستان نیوز پوائنٹ
جنوبی افریقا کے دو بڑے شہروں میں فائرنگ کے واقعات میں 27 افراد ہلاک اور متعدد زخمی ہو گئے۔خبر رساں ادارے رائٹرز کے مطابق جوہانسبرگ کے جنوب مغربی قصبے میں واقع بار میں فائرنگ کے واقعے میں17 افراد ہلاک اور 15 افراد زخمی ہو گئے۔چند روز قبل بھی جنوبی افریقا کے مشرقی صوبہ کوازولو کے علاقے جنوبی ڈربن میں ایک گھر میں پارٹی کے دوران فائرنگ سے حاملہ خاتون سمیت 11 افراد ہلاک اور تین زخمی ہو گئے تھے۔ وقوعہ سے فرار ہونے سے پہلے حملہ آوروں نے گھر کے مالک کی گاڑی کو آگ بھی لگا دی۔فائرنگ کا دوسرا واقعہ کیپ ٹاؤن میں پیش آیا جہاں مسلح افراد نے انٹرٹینمنٹ وینیو پر اندھا دھند فائرنگ کرکے 10 افراد کو ہلاک اور 11 کو زخمی کر دیا اور موقع سے فرار ہو گئے۔پولیس نے دونوں واقعات کے ملزمان کی تلاش کیلئے آپریشن شروع کر دیا ہے .تاہم کوئی گرفتاری میں نہیں آئی۔جنوبی افریقا میں فائرنگ کے واقعات عام ہیں ، پولیس کے مطابق حالیہ فائرنگ کے واقعات میں بھی مسلح گروہوں اور جرائم سے متعلق مختلف عوامل کا کردار ہو سکتا ہے. تاہم ان دونوں واقعات کے محرکات ابھی واضح نہیں ہوئے۔
