پاکستان نیوز پوائنٹ
متحدہ عرب امارات کے صدارتی مشیر انور قرقاش نے کہا ہے کہ امریکا اور ایران کے درمیان متوقع معاہدہ نہ صرف جاری جنگ کے خاتمے کا سبب بنے گا .بلکہ خطے میں امن، استحکام اور سیاسی کامیابی کا ایک نیا باب بھی کھولے گا۔اپنے بیان میں انور قرقاش نے کہا کہ موجودہ بحران کے دوران متحدہ عرب امارات نے دانشمندانہ اور متوازن حکمت عملی کا مظاہرہ کیا، جس کا مقصد کشیدگی میں کمی اور سفارتی حل کی حمایت تھا۔انہوں نے کہا کہ متحدہ عرب امارات ہمیشہ امن، مذاکرات اور علاقائی استحکام کا حامی رہا ہے اور آئندہ بھی تنازعات کے پرامن حل کے لیے اپنی کوششیں جاری رکھے گا۔انور قرقاش نے اس بات پر بھی زور دیا کہ امن کی کوششوں کے ساتھ ساتھ ملکی دفاع، قومی سلامتی اور خودمختاری پر کسی قسم کا سمجھوتہ نہیں کیا جائے گا۔
