پاکستان نیوز پوائنٹ
سعودی عرب کے جدہ ایئرپورٹ پر اچانک فلائٹ آپریشن معطل کر دیا گیا اور ایوی ایشن حکام نے 45 منٹ بعد فضا میں چکر لگانے والی 30 پروازوں کو لینڈنگ کی اجازت دے دی۔فلائٹ ڈیٹا کے مطابق آپریشن کی عارضی بندش کے دوران مختلف ممالک سے جدہ پہنچنے والی متعدد پروازیں لینڈنگ کی کلیئرنس کی منتظر رہیں جبکہ ایئرپورٹ دوبارہ کھلنے کے بعد کئی طیارے لینڈنگ کے لیے اپروچ پر آگئے۔اس سے قبل جدہ ایئرپورٹ پر اچانک پروازوں کی آمدورفت روک دی گئی تھی جس کے باعث دوحہ، بحرین، کوالالمپور، القسیم، دبئی، روم، قاہرہ، استنبول، تبوک، ایمسٹرڈم اور میونخ سمیت مختلف شہروں سے آنے والی پروازیں لینڈنگ کی منتظر رہیں۔اسی طرح کراچی، لاہور، دہلی، ڈھاکا، جکارتہ، مالے، دمام، فرینکفرٹ، الجزائر، سکاکا اور خرطوم سے آنے والے طیارے بھی جدہ ایئرپورٹ پر اترنے کی اجازت ملنے تک فضا میں چکر لگاتے رہے۔45 منٹ کی بندش کے بعد پروازوں کی بحالی سے لینڈنگ کے منتظر طیاروں کو کلیئرنس ملنا شروع ہوگئی تاہم فراہم کردہ فلائٹ ڈیٹا میں آپریشن معطل کیے جانے کی وجہ نہیں بتائی گئی۔
