جھنگ میں فرسٹ ایئر کی طالبہ ایشال فاطمہ مبینہ اغوا اور زیادتی کے بعد دم توڑ گئی

پاکستان نیوز پوائنٹ
جھنگ : فرسٹ ایئر کی طالبہ ایشال فاطمہ مبینہ طور پر اغواء اور زیادتی کا نشانہ بننے کے بعد دم توڑ گئی۔تفصیلات کے مطابق پنجاب کے شہر جھنگ میں ایک انتہائی افسوسناک اور انسانیت سوز واقعہ سامنے آیا ہے. جہاں فرسٹ ایئر کی طالبہ ایشال فاطمہ مبینہ طور پر اغوا اور درندگی کا نشانہ بننے کے بعد زندگی کی بازی ہار گئی ہے۔اس ہولناک واقعے کے بعد پورے علاقے میں شدید تشویش کی لہر دوڑ گئی ہے اور شہری شدید غم و غصے کا اظہار کر رہے ہیں۔ جس میں ملزمان مقتولہ طالبہ کو تشویشناک حالت میں اسپتال چھوڑ کر موقع سے فرار ہوتے ہوئے دیکھے جا سکتے ہیں۔پولیس ذرائع کا کہنا ہے کہ واقعے کی اطلاع ملتے ہی کارروائی کا آغاز کر دیا گیا تھا اور ایک ملزم ‘امیش جوگی’ کو گرفتار کر لیا گیا ہے جبکہ نیٹ ورک میں شامل دیگر مفرور ملزمان کی گرفتاری کے لیے چھاپے مارے جا رہے ہیں۔پولیس حکام کے مطابق لاش کا پوسٹ مارٹم کروا لیا گیا ہے اور جائے وقوعہ سمیت ہسپتال سے فرانزک شواہد اکٹھے کر لیے گئے ہیں۔تفتیش کاروں کا کہنا ہے کہ پوسٹ مارٹم اور ڈی این اے رپورٹ کی روشنی میں کیس کو منطقی انجام تک پہنچایا جائے گا۔دوسری جانب مقتولہ ایشال فاطمہ کے اہلِ خانہ نے اعلیٰ حکام سے فوری انصاف، کیس کی شفاف تفتیش اور ملوث تمام درندوں کو سرِعام عبرت ناک سزا دینے کا پرزور مطالبہ کیا ہے۔