خلیج کا بحران نہ پیدا ہوتا تو پاکستان دیگر ابھرتی ہوئی معیشتوں کی طرح بہت آگے جا چکا ہوتا وزیر اعظم

پاکستان نیوز پوائنٹ
وزیر اعظم شہباز شریف کا کہنا ہے کہ پاکستان نے حالیہ برسوں میں معیشت کو مضبوط بنانے کے لیے بہت محنت کی، خلیج کا بحران نہ پیدا ہوتا تو پاکستان دیگر ابھرتی ہوئی معیشتوں کی طرح بہت آگے جا چکا ہوتا۔منگل کے روز وزیراعظم شہباز شریف نے لندن اسٹاک مارکیٹ کا دورہ اور اسٹاک ایکسچینج کی مارکیٹ اوپننگ کی تقریب میں شرکت کی۔لندن اسٹاک کے چیف ایگزیکٹیو آفیسر اور سینیر حکام نے وزیر اعظم کا استقبال کیا۔اس موقع پر وزیر اعظم شہباز شریف نے پاکستان کے 3 ارب ڈالرز کے یورو بانڈز لسٹنگ کی رونمائی بھی کی۔وزیر اعظم شہباز شریف نے تقریب سے خطاب کرتے ہوئے کہا کہ پاکستان نے حالیہ برسوں میں معیشت کو مضبوط بنانے کے لیے بہت محنت کی ،میکرو اکنامک اشاریے مسلسل بہتری کی جانب گامزن ہیں۔انہوں نے کہا کہ خلیج کا بحران نہ پیدا ہوتا تو پاکستان دیگر ابھرتی ہوئی معیشتوں کی طرح بہت آگے جاچکا ہوتا۔ خطے میں امن کے لیے پاکستان نے اپنی کوششیں جاری رکھی ہیں۔وزیراعظم افس کے اعلامیے کے مطابق مارکیٹ اوپننگ تقریب میں وزیراعظم کی شرکت پاکستان اور لندن کے اہم مالیاتی اداروں کے درمیان بڑھتے روابط کا مظہر ہے۔واضح رہے کہ وزیر اعظم شہباز شریف پاکستان کے پہلے وزیر اعظم ہیں جنہیں لندن اسٹاک ایکسچینج ٹریڈنگ اوپننگ کا اعزاز حاصل ہوا ہے۔وزیر اعظم شہباز شریف ختلف عالمی مالیاتی اداروں کے سینیئر ایگزیکٹوز سے ملاقاتوں کے بعد وطن روانہ ہوگئے۔