صدر مملکت نے چیف آف رائل سعودی نیول فورسز کو نشان امتیاز ملٹری سے نواز دیا

پاکستان نیوز پوائنٹ
ایوان صدر اسلام آباد میں نشان امتیاز ملٹری دینے کی تقریب منعقد ہوئی۔ جس میں صدر مملکت آصف علی زرداری نے چیف آف رائل سعودی نیول فورسز سٹاف وائس ایڈمرل محمد بن عبدالرحمان کو نشان امتیاز ملٹری سے نوازا۔ تقریب میں وزیر دفاع خواجہ آصف، پاکستان میں سعودی سفیر نواف بن سعید المالکی، چیف آف دی نیول اسٹاف ایڈمرل نوید اشرف سمیت اعلیٰ عسکری اور سرکاری حکام نے شرکت کی۔
یہ ایوارڈ پاکستان اور سعودی عرب کے درمیان بحری تعاون کو مضبوط بنانے میں وائس ایڈمرل الغریبی کی شاندار خدمات کو تسلیم کرتا ہے۔ یہ اعزاز دونوں برادر ممالک کے درمیان گہرے اور تاریخی فوجی تعلقات کی عکاسی کرتا ہے.