محسن نقوی کا جناح انٹرنیشنل ایئرپورٹ کااچانک دورہ امیگریشن پراسیس کا تفصیلی معائنہ

پاکستان نیوز پوائنٹ
وفاقی وزیر داخلہ محسن نقوی نے جناح انٹرنیشنل ایئرپورٹ کا دورہ کیا اور امیگریشن کاؤنٹرز پر مسافروں کے پراسیس کا جائزہ لیا۔
دورے کے دوران محسن نقوی نے بیرون ملک جانے والے مسافروں سے ملاقات کی اور ان سے امیگریشن پراسیس کے حوالے سے دریافت کیا۔ اسی دوران امیگریشن سسٹم ڈاؤن ہو گیا، جس پر وفاقی وزیر داخلہ نے موقع پر ہی متعلقہ حکام سے ٹیلیفونک رابطہ کیا۔محسن نقوی نے امیگریشن سسٹم کی خرابی فوری دور کرنے کی ہدایت دیتے ہوئے کہا کہ سسٹم ڈاؤن ہونے کی صورت میں متبادل انتظامات ہر وقت موجود ہونے چاہییں اور امیگریشن پراسیس کسی صورت رکنا نہیں چاہیے۔وفاقی وزیر داخلہ محسن نقوی نےبیرون ممالک پاکستان کی بدنامی کا باعث کرنے والوں کے خلاف گھیرا تنگ کردیا.وفاقی وزیر داخلہ نے جعلی دستاویزات پر سفر کرنے والوں کے خلاف سخت کارروائی کا حکم دیتے ہوئے ہدایت کی کہ نامکمل یا بغیر تصدیق شدہ دستاویزات رکھنے والے کسی بھی مسافر کو کسی صورت سفر کی اجازت نہ دی جائے۔