پاکستان نیوز پوائنٹ
مولانا فضل الرحمان کے شہدا سے متعلق توہین آمیز اور نامناسب بیان پرڈی جی آئی ایس پی آر نے منہ توڑ جواب دیتے ہوئے کہا ہے کہ شہادت کا فلسفہ اور شہداء افواج کیلئے ریڑھ کی ہڈی کی مانند ہیں،پاکستانی افواج اور کارگل کے شہیدوں کے بارے میں توہین آمیز بیان دے کر بھارت کے بیانیہ کو فروغ دیا جا رہا ہے،یہ سمجھ سے باہر ہے کہ کوئی ایسا کیوں کرے گا۔ شہداء کی قوم کیلئے دی گئی لازوال قربانیوں کو بیان کرتے ہوئے ڈی جی آئی ایس پی آر کا کہنا تھا کہ پاکستانی افواج ملک کے دفاع کے لیے اپنا سب سے قیمتی حق زندگی وطن پر قربان کر دیتی ہیں،یہ کہنا کہ کوئی بھی شخص محض تنخواہ کیلئے اپنی قیمتی جان کی قربانی دیتا ہے تو کیا آپ میں سے کوئی ایسا کرنے کیلئے تیار ہے؟ ایسی بات کرنا ناقابل فہم ہے۔ ڈی جی آئی ایس پی آر کا مزید کہنا تھا کہ پاکستان کی افواج اپنا حقِ زندگی قوم اور ملک کے دفاع کے لیے قربان کرنے کیلئے ہمہ وقت تیار ہیں۔
