پاکستان نیوز پوائنٹ
خیبرپختونخوا کے علاقے میرعلی میں سکیورٹی فورسز نے انٹیلیجنس بیسڈ کارروائی کرتے ہوئے 3 خارجی دہشتگردوں کو ہلاک کر دیا۔سکیورٹی ذرائع کا کہنا ہے کہ سکیورٹی فورسز نےمیرعلی اور گردونواح میں فتنہ الخوارج کے ٹھکانوں کو تباہ کردیا، اس کارروائی میں 3 خارجی دہشت گرد ہلاک ہوئے۔سکیورٹی ذرائع کے مطابق ہلاک دہشت گردوں سے بھاری مقدار میں اسلحہ اور گولہ بارود برآمد کیا گیا۔دوسری جانب سکیورٹی فورسز نے بلوچستان میں آپریشن ردالفتنہ 3 کے تحت فتنہ الہندوستان کے خلاف کارروائیاں کی۔سکیورٹی ذرائع کا کہنا ہے کہ ضلع سوراب کے علاقے مال مدرسہ کے قریب سکیورٹی فورسز نے آپریشن کرتے ہوئے ایک دہشت گرد کو ہلاک کیا۔سکیورٹی ذرائع کے مطابق مال مدرسہ اور بتیگو کے درمیان دہشت گردوں کی موجودگی کی اطلاع پر کارروائی کی گئی۔سکیورٹی ذرائع کا کہنا ہے کہ فتنہ الہندوستان کے ہلاک دہشت گرد سے اسلحہ اور موٹرسائیکل برآمد کرلیا گیا۔سکیورٹی فورسز بلوچستان میں قیام امن وامان اور دہشتگردی کے مکمل خاتمے کیلئے پرعزم ہیں
