نائب وزیراعظم اور وزیر خارجہ اسحاق ڈار سرکاری دورے پر واشنگٹن پہنچ گئے

پاکستان نیوز پوائنٹ
نائب وزیراعظم اور وزیر خارجہ اسحاق ڈار سرکاری دورے پر واشنگٹن پہنچ گئے۔ وزیر خارجہ اسحاق ڈار کے واشنگٹن پہنچنے پر پاکستانی سفیر رضوان سعید شیخ اور سفارتی حکام نے ان کا استقبال کیا۔ اسحاق ڈار آج امریکی وزیرِ خارجہ مارکو روبیو سے اہم ملاقات کریں گے، ملاقات میں پاکستان امریکا دو طرفہ تعلقات اور علاقائی امور پر تبادلۂ خیال ہوگا، دونوں ممالک کے درمیان اہم امور پر اعلیٰ سطح کے رابطوں کا سلسلہ جاری ہے۔ سرکاری مصروفیات مکمل کرنے کے بعد اسحاق ڈار آج ہی اسلام آباد واپس روانہ ہوں گے۔ اس سے قبل نائب وزیرِ اعظم و وزیرِ خارجہ سینیٹر اسحاق ڈار سے نیویارک میں چینی وزیرِ خارجہ وانگ ای نے ملاقات کی، ملاقات میں دونوں رہنماؤں نے خطے میں امن، کثیر الجہتی نظام اور قواعد پر مبنی عالمی نظام کے فروغ پر اتفاق کیا۔