وزیراعظم شہباز شریف نے کہا کہ بین الاقوامی یونیورسٹی ملائیشیا سے ڈاکٹریٹ کی اعزازی ڈگری حاصل کرنااعزازہے

پاکستان نیوز پوائنٹ
وزیراعظم شہباز شریف نے کہا کہ بین الاقوامی یونیورسٹی ملائیشیا سے ڈاکٹریٹ کی اعزازی ڈگری حاصل کرنااعزازہے۔ملائیشیا کے شہر کوالالمپور میں وزیراعظم شہباز شریف کو پی ایچ ڈی ڈاکٹریٹ لیڈرشپ اینڈگورننس کی اعزازی ڈگری دینے کی تقریب کا انعقاد کیا گیا جس میں پہانگ کی ملکہ تنکوعزیزہ آمینہ میمونہ اسکندریہ نے انہیں اعزازی ڈگری سے نوازا۔وزیراعظم شہبازشریف نے اعزازی ڈگری دینے کی تقریب سےخطاب کرتےہوئے کہا کہ بین الاقوامی یونیورسٹی ملائیشیا سے ڈاکٹریٹ کی اعزازی ڈگری حاصل کرنااعزازہے۔وزیراعظم نے کہا کہ 4 دہائیوں سے زائد عرصےتک صوبہ پنجاب کےعوام کی بطورخادم خدمت کی. اب پاکستان کےوزیراعظم کی حیثیت سے لوگوں کی خدمت کررہا ہوں، ہمیشہ خلوص نیت اور ثابت قدمی کےساتھ عوام کی خدمت کرتاہوں۔ان کا کہنا تھا کہ بین الاقوامی اسلامی یونیورسٹی ملائیشیاعلم و دانش کامرکز ہے.درسگاہ علم، ایمان، اخلاق کویکجاکرکےاعلیٰ تعلیم کامقصد آگے بڑھا رہی ہے.مسلم دنیاکی ایک معزز ترین درسگاہ سے منسلک ہونا باعث اعزاز ہے.خواہش ہےکہ پاکستان اورملائیشیاکےدرمیان علمی تعاون مزید مضبوط ہو۔وزیراعظم نے کہا کہ قیادت کوئی امتیازنہیں بلکہ ایک امانت ہے، قیادت کو دیانت، اخلاص، عدل اورشفاف احتساب کے ساتھ اداکرنالازم ہے۔انہوں نے اس موقع پر عظیم شاعر ومفکرعلامہ محمداقبالؒ کامشہورشعر بھی سنایا اور کہا کہ آج امت مسلمہ کوتنازعات، غربت، باہمی انتشار بےشمارچیلنجزکاسامنا ہے۔شہبازشریف نے مزید کہا کہ پاکستان اورملائیشیادونوں برادرملک نوجوان آبادی سےمالامال ہیں. دعاگوہوں بین الاقوامی اسلامی یونیورسٹی ملائیشیامزیدترقی کرے.ہماری ذمہ داری ہےنوجوانوں کوانسانیت کی خدمت کے لیے موقع فراہم کریں. پاکستان اورملائیشیاکی دوستی ہمیشہ قائم رہے.