پاکستان نیوز پوائنٹ
پاکستان کو 2026 کے لیے ڈیجیٹل کوآپریشن آرگنائزیشن (ڈی سی او) کی صدارت مل گئی ہے، جسے وفاقی وزیر آئی ٹی شزا فاطمہ نے ملک و قوم کے لیے ایک بڑا اعزاز قرار دیا ہے۔ ان کا کہنا ہے کہ اس ذمہ داری کے ذریعے پاکستان کو عالمی سطح پر مصنوعی ذہانت، آئی ٹی اور جدید ٹیکنالوجی کے شعبوں میں اپنا مؤقف زیادہ مؤثر انداز میں پیش کرنے کا موقع ملے گا۔ شزا فاطمہ کے مطابق ڈی سی او کی صدارت پاکستان کے لیے آئی ٹی کے شعبے میں اپنی قائدانہ صلاحیتیں اجاگر کرنے اور ڈیجیٹل تعاون کو فروغ دینے کا ایک اہم موقع ہے، جو ملکی ٹیکنالوجی سیکٹر کی ترقی میں مثبت کردار ادا کرے گا۔
