کوئٹہ میں شدید سردی درجہ حرارت نقطہ انجماد سے گر گیا کوئٹہ میں منفی 9اور زیارت میں درجہ حرارت منفی 13 تک جا پہنچا

پاکستان نیوز پوائنٹ
کوئٹہ آج رات کو 9 بجے درجہ حرارت 10 تک پہنچ جائے گا ۔ کوئٹہ شدید سردی کے باعث گھروں کی ٹینکیوں اور نلوں میں بھی پانی جم گیا ہے، جس سے شہریوں کو سخت مشکلات کا سامنا ہے۔کوئٹہ سمیت بلوچستان کے بیشتر علاقے اس وقت شدید سردی کی لپیٹ میں ہیں، جہاں درجہ حرارت نقطہ انجماد سے نیچے جا پہنچا ہے۔ گزشتہ روز بارش اور برفباری کے بعد شام سے یخ بستہ سائبیرین ہواؤں کا سلسلہ شروع ہوا جو تاحال جاری ہے۔ اور یہ سلسلہ اگلے دو روز تک جاری رہنے کا امکان ہے شدید سردی کے باعث نہ صرف سڑکوں اور کھلے مقامات پر پانی جم گیا ہے بلکہ گھروں کی ٹینکیوں اور نلوں میں بھی پانی منجمد ہو چکا ہے، جس کی وجہ سے شہری پانی کے حصول میں مشکلات کا سامنا کر رہے ہیں۔ماہرین کے مطابق موجودہ سردی نے گزشتہ 30 سال کا ریکارڈ توڑ دیا ہے۔ گزشتہ رات درجہ حرارت منفی 13 تک پہنچا جبکہ دن میں درجہ حرارت منفی 9 رہا، تاہم سردی کی شدت منفی 12 محسوس کی گئی۔ کوئٹہ، قلات، مستونگ، سوراب، زیارت، کان مہترزئی، توبہ کاکڑی اور توبہ اچکزئی سمیت کئی وسطی اور شمالی علاقوں کو بلوچستان کے انتہائی سرد علاقوں میں شمار کیا جاتا ہے۔