ہر شہری کو فوری انصاف کی فراہمی کے لیے سہولت مرکز کا قیام اہم قدم ہے چیف جسٹس

پاکستان نیوز پوائنٹ
چیف جسٹس پاکستان جسٹس یحییٰ آفریدی نے بلوچستان ہائیکورٹ میں عوامی سہولت مرکز کا افتتاح کر دیا۔چیف جسٹس پاکستان جسٹس یحییٰ آفریدی نے کوئٹہ میں عوامی سہولت مرکز کی افتتاحی تقریب سے خطاب کرتے ہوئے کہا کہ ہر شہری کو فوری انصاف کی فراہمی کے لیے سہولت مرکز کا قیام اہم قدم ہے اور عدالتی نظام کو صرف عدالت کے بجائے شہریوں کی ضروریات کے گرد مرکوز کرنا ہو گا۔سہولت مرکز کی افادیت پر انہوں نے کہا کہ سہولت مرکز کے قیام سے عوام اور وکلا کو کئی سہولیات میسر آئیں گی اور سائلین کو مؤثر اور آسان انداز میں خدمات فراہم کی جائیں گی۔ بلوچستان آنا ان کے لیے بڑی خوشی کی بات ہے۔انصاف کی فراہم پر جسٹس یحییٰ آفریدی کا کہنا تھا کہ مرکز کے قیام کا مقصد سائلین اور وکلا کو فوری سہولیات فراہم کرنا ہے، اس سے انصاف کی فراہمی کا عمل بھی تیز ہو گا۔افتتاحی تقریب سے خطاب کرتے ہوئے جسٹس یحییٰ آفریدی نے کہا کہ بلوچستان آنا ان کے لیے ہمیشہ خوشی کا باعث ہوتا ہے۔چیف جسٹس پاکستان نے خواہش ظاہر کی کہ عوامی سہولت مرکز بلوچستان کے ہر ضلع اور تحصیل میں قائم کیا جائے۔ اور جسٹس فنڈز قائم کرنے کا فیصلہ بھی کیا گیا ہے۔انہوں نے عزم ظاہر کیا کہ ایسے سہولت مراکز ملک کے ہر ضلع میں قائم کیے جائیں گے تاکہ شہریوں کو انصاف کے حصول میں آسانی فراہم کی جاسکے۔چیف جسٹس پاکستان جسٹس یحییٰ آفریدی نے کہا کہ ان کی خواہش ہے کہ اس نوعیت کے سہولت مراکز بلوچستان کے ہر ضلع اور ہر تحصیل تک قائم کیے جائیں. تاکہ دور دراز علاقوں سے تعلق رکھنے والے شہریوں کو بھی عدالتی سہولیات تک آسان رسائی حاصل ہوسکے۔انہوں نے اعلان کیا کہ جسٹس فنڈز قائم کرنے کا فیصلہ کیا گیا ہے اور اس عزم کا اظہار کیا کہ ملک بھر کے ڈسٹرکٹس میں اس نوعیت کے سہولت مراکز کے قیام کے لیے اقدامات کیے جائیں گے۔تقریب کے دوران چیف جسٹس پاکستان نے 8 اگست کے شہداء کو بھی خراج عقیدت پیش کرتے ہوئے کہا کہ شہداء کی قربانیوں اور جدوجہد کو آگے بڑھانا ہی انہیں خراج تحسین پیش کرنے کا بہترین طریقہ ہے۔نئے سہولت مرکز کے قیام سے سائلین اور وکلاء کو ایک ہی مقام پر فائلنگ، تصدیق شدہ نقول، معلومات اور دیگر ضروری عدالتی خدمات فراہم کی جائیں گی، جس سے نہ صرف وقت اور اخراجات میں کمی آئے گی بلکہ عدالتی امور کی انجام دہی بھی مزید آسان اور مؤثر ہوگی۔عدلیہ کی جانب سے سہولت مرکز کے قیام کو عوام کو بروقت اور آسان انصاف کی فراہمی کی جانب ایک اہم اور مثبت پیش رفت قرار دیا جا رہا ہے