امریکی حملوں کے بعد ایران کی جوابی کارروائی بحرین قطر اور عراق میں سائرن گونج اٹھے

پاکستان نیوز پوائنٹ
مشرقِ وسطیٰ میں امریکا اور ایران کے درمیان کشیدگی ایک بار پھر شدت اختیار کر گئی ہے۔ امریکی فورسز نے ایرانی جزیرے قشم میں ایک فوجی تنصیب کو نشانہ بنایا، جبکہ ایران کے پاسدارانِ انقلاب نے امریکی مفادات پر جوابی حملوں کا دعویٰ کیا ہے۔ رپورٹس کے مطابق پاسدارانِ انقلاب نے بحرین میں قائم امریکی ففتھ فلیٹ ہیڈکوارٹر، ایک ایئربیس، بحری جہازوں اور ہیلی کاپٹروں کو میزائلوں اور ڈرونز کے ذریعے نشانہ بنانے کا دعویٰ کیا،ان حملوں کے بعد بحرین، عراق اور قطر میں سائرن بجنے کی اطلاعات سامنے آئیں۔ دوسری جانب امریکی سینٹکام نے دعویٰ کیا ہے کہ ایرانی حملوں کا بڑا حصہ ناکام بنا دیا گیاامریکی حکام کے مطابق کویت کی جانب داغے گئے دو میزائل راستے میں ہی گر گئے، جبکہ بحرین کی طرف فائر کیے گئے تین میزائل امریکا اور بحرینی دفاعی نظام نے فضا میں تباہ کر دیے مزید یہ کہ بعض ایرانی بیلسٹک میزائل اپنے مقررہ اہداف تک پہنچنے میں ناکام رہے۔امریکی فوج نے ایک بوٹسوانا کے پرچم بردار آئل ٹینکر کو ناکارہ بنانے کا دعویٰ بھی کیا ہے امریکی حکام کے مطابق مذکورہ ٹینکر ایرانی جزیرے خارگ کی جانب جا رہا تھا۔ سینٹکام کمانڈر کا کہنا ہے کہ امریکی طیارہ بردار بحری جہاز ابراہم لنکن بحیرۂ عرب میں سرگرم ہے اور امریکی فورسز نے 122 تجارتی بحری جہازوں کو ان کے راستوں سے ہٹا کر بحری قواعد و ضوابط پر عمل درآمد یقینی بنایا۔