انٹرنیشنل گولڈ مارکیٹ میں فی اونس سونا تاریخ میں پہلی بار 5 ہزار ڈالر کے قریب پہنچ گیا

پاکستان نیوز پوائنٹ
انٹرنیشنل گولڈ مارکیٹ میں فی اونس سونا تاریخ میں پہلی بار 5 ہزار ڈالر کے قریب پہنچ گیا۔ عالمی و مقامی گولڈ مارکیٹس میں سونےاورچاندی کے ریکارڈ بنانے کا سلسلہ جاری ہے۔ کئی ممالک کے سینٹرل بینکس کی خریداری اور جیو پولیٹیکل حالات سے سونا اور چاندی مہنگے ہوگئے۔ آل پاکستان صرافہ جیمز اینڈ جیولرز ایسوسی ایشن کے مطابق 24 کیرٹ فی تولہ سونے کی قیمت 6500 روپے بڑھ کر 5 لاکھ 21 ہزار 162 روپے کی ریکارڈ سطح پرجا پہنچی۔ 10 دس گرام سونے کے بھاؤ 5 ہزار 583 روپے کے اضافے سے 4 لاکھ 46 ہزار 812 روپے کی بلند ترین سطح پر جا پہنچے۔ چاندی کی فی تولہ قیمت 526 روپے بڑھ کر 10 ہزار 801 روپے کی ریکارڈ سطح پر پہنچ گئی۔ عالمی منڈی میں فی اونس سونا 65 ڈالر مہنگا ہوکر 4 ہزار 988 ڈالر کی ریکارڈ سطح پر جا پہنچا۔