بیواؤں کو صرف ہمدردی نہیں بلکہ عملی سہارا اور حق دینا ہماری ذمہ داری ہے وزیراعلیٰ پنجاب مریم نواز شریف

پاکستان نیوز پوائنٹ
وزیراعلیٰ پنجاب مریم نواز شریف نے بیوہ خواتین کے عالمی دن کے موقع پر اپنے پیغام میں کہا ہے کہ بیواؤں کو صرف ہمدردی نہیں بلکہ عملی سہارا اور حق دینا ہماری ذمہ داری ہے۔ ان کا کہنا تھا کہ اسلام نے بیوہ خواتین کو مکمل عزت، وقار اور حقوق دیے ہیں، اور معاشرے پر فرض ہے کہ وہ ان خواتین کو تنہا نہ چھوڑے انہوں نے کہا کہ کشمیر، غزہ اور ایران جیسے خطوں میں جنگوں کے نتیجے میں بیوہ ہونے والی خواتین عالمی ضمیر کے لیے ایک سوال بن چکی ہیں جن کے درد کا مداوا صرف الفاظ سے نہیں بلکہ عملی اقدامات سے ممکن ہے وزیراعلیٰ نے بتایا کہ حکومتِ پنجاب ’’اپنی چھت، اپنا گھر‘‘ پروگرام کے تحت بیوہ خواتین اور سنگل مدرز کو ترجیح دے رہی ہے تاکہ وہ باوقار زندگی گزار سکیں۔ ان کے بچوں کو ’’ہونہار اسکالرشپ‘‘ پروگرام میں بھی ترجیح دی جا رہی ہے تاکہ ان کی تعلیم کا سفر متاثر نہ ہو انہوں نے کہا کہ ویمن پروٹیکشن اتھارٹی اور سوشل ویلفیئر ڈیپارٹمنٹ کو ہدایت کی گئی ہے کہ وہ بیوہ خواتین کی ہر ممکن معاونت کو یقینی بنائیں۔ میرا عزم ہے کہ پنجاب کی کوئی بیوہ خود کو اکیلا نہ سمجھے بلکہ ریاست کو ہر وقت اپنے ساتھ کھڑا پائے