پاکستان نیوز پوائنٹ
جوڈیشل کمیشن کے آج ہونے والے اجلاسوں کی اندرونی کہانی سامنے آ گئی۔اسلام آباد ہائیکورٹ کے جسٹس محمد آصف کی مستقلی کا فیصلہ اکثریت سے کیا گیا۔ ذرائع کے مطابق جسٹس منیب اختر اور جسٹس محسن اختر کیانی نے جسٹس محمد آصف کو مستقل کرنے کی مخالفت کی، جوڈیشل کمیشن اجلاس میں جسٹس محمد آصف کے بیٹے کی گاڑی کے حادثے کا تذکرہ ہوا۔چیف جسٹس اسلام آباد ہائیکورٹ سرفراز ڈوگر نے جسٹس محمد آصف کی وقوعہ کے بعد کے کردار کی تعریف کی۔ ذرائع کا کہنا ہےکہ جسٹس محسن اختر کیانی نے بھی جسٹس محمد آصف کی تعریف کی،شکایتی کمیٹی میں جسٹس ایوب خان کیخلاف شکایت ہونے کی وجہ سے مستقلی کی مخالفت کی گئی، جوڈیشل کمیشن اجلاسوں میں پی ٹی آئی سے تعلق رکھنے والے دونوں ممبران شریک نہیں ہوئے۔
