عالمی بینک پاکستان کو رواں مالی سال کے دوران مختلف منصوبوں کیلئے 2 ارب ڈالر سے زائد قرض دے گا

پاکستان نیوز پوائنٹ
دستاویزات کے مطابق قرض انٹرنیشنل ڈیویلپمنٹ ایسوسی ایشن اور انٹرنیشنل بینک فار ری کنسٹرکشن کے ذریعے دیا جائے گا۔
اقتصادی امور ڈویژن کے مطابق پاکستان میں عالمی بینک کی فنڈنگ کے ذریعے 57 مختلف منصوبوں پر کام جاری ہے، ان منصوبوں کی مجموعی لاگت 16.6 ارب ڈالر ہے، منصوبوں کا تعلق زراعت، پانی، توانائی، فنانس ، ریونیو ،مواصلات، دیہی و شہری ترقی، ہیومین کیپٹل، سوشل سروسز اور گورننس کے منصوبے شامل ہیں۔ عالمی بینک گزشتہ 7 سال میں11 ارب 84 کروڑ ڈالر فراہم کر چکا ہے،سب سے زیادہ 1.96 ارب ڈالر توانائی شعبے کیلئے دیئے گئے، آنے والے برسوں میں مختلف منصوبوں کیلئے مزید 8.6 ارب ڈالر دیئے جائیں گے۔
عالمی بینک نے گزشتہ مالی سال 2024-25 میں 1 ارب 80 کروڑ ڈالر قرضہ دیا، سال 2023-24 میں 2.24 ارب ڈالر، 2022-23 میں 2.12 ارب ڈالر ملے، 2021،22 میں 1.59 ارب ڈالر، سال 2020-21 میں 2 ارب ڈالر جاری ہوئے جبکہ2019-20 میں 1.37 ارب ڈالر قرضہ دیاگیا ۔