ملک بھر میں حالیہ مون سون بارشوں نے تباہی مچادی مختلف حادثات میں 178افراد جاں بحق اور500کے قریب زخمی ہوئے

پاکستان نیوز پوائنٹ
ملک بھر میں حالیہ مون سون بارشوں نے تباہی مچادی،،مختلف حادثات میں 178افراد جاں بحق اور500کے قریب زخمی ہوئے،،جاں بحق ہونے والوں میں 85بچے بھی شامل ہیں۔این ڈی ایم اے کی جاری کردہ رپورٹ کے مطابق،،پنجاب میں بارشوں اور سیلاب سے 103افراد لقمہ اجل بنے،،خیبرپختونخوا میں 38،،،سندھ میں 20،،اور بلوچستان میں 16 افراد جان سے گئے۔رپورٹ کے مطابق مون سون بارشوں کے دوران مکمل تباہ ہونے والے گھروں کی تعداد 610 ہے۔ 11 کلومیٹر سڑکیں اور 9 پلوں کو جزوی نقصان پہنچا۔ 200 سے زائد جانور بھی ہلاک ہوئے۔حالیہ بارشوں کی وجہ سے خیبر پختونخوا میں 200 سے زائد گھر تباہ ہو گئے۔ کرک اور جنوبی وزیرستان میں 30 سے زائد گھر تباہ ہوئے۔