پاکستان نیوز پوائنٹ
ترجمان دفتر خارجہ کے مطابق نائب وزیراعظم اسحاق ڈار اور مصر کے وزیر خارجہ ڈاکٹر بدر عبدالعاطی کے درمیان ٹیلی فونک رابطہ ہوا، جس میں دونوں رہنماؤں نے خطے کی صورتحال پر تبادلۂ خیال کیادونوں رہنماؤں نے سعودی عرب کے خلاف حوثیوں کے حملوں کی شدید مذمت کرتے ہوئے سعودی عرب کے ساتھ مکمل یکجہتی کا اظہار کیا اور اس کی خودمختاری، علاقائی سالمیت اور سلامتی کے لیے بھرپور حمایت کا اعادہ کیا۔ترجمان دفتر خارجہ کے مطابق گفتگو میں پاکستان، مصر، ترکیہ اور سعودی عرب پر مشتمل آر-4 فریم ورک کے تحت تعاون پر بھی تبادلۂ خیال کیا گیا دونوں رہنماؤں نے باہمی تعلقات مزید مضبوط بنانے اور علاقائی امور پر ہم آہنگی کے لیے آر-4 کے آئندہ اجلاس کے جلد انعقاد کی امید ظاہر کی۔
