پاکستان نیوز پوائنٹ
پاکستان اسٹاک ایکسچینج (پی ایس ایکس) میں ریکارڈ بننے کا سلسلہ جاری ہے، کاروباری ہفتے کے تیسرے روز بھی اسٹاک مارکیٹ نے نئی تاریخ رقم کر دی، کاروبار کے دوران کے ایس ای 100 انڈیکس نے ایک لاکھ 45 ہزار کی سطح بھی عبور کرتے ہوئے نئی بلندی کا ریکارڈ قائم کردیا۔ملکی تاریخ میں پہلی بار مارکیٹ 1 لاکھ 45 ہزارکی بلند سطح پر بند ہوئی، کاروبار کے دوران انڈیکس 1 لاکھ 44 ہزار اور پھر 1 لاکھ 45 ہزار کی نفسیاتی حد عبور کر گیا۔پاکستان اسٹاک ایکسچینج میں آج دن کے آغاز کے ساتھ ہی تیزی کا رجحان دیکھنے میں آیا اور کاروبار کے دوران 2051 پوائنٹس کا اضافہ ہوا، جس کے بعد 100 انڈیکس 1.43 فیصد اضافے سے 145,088 پوائنٹس پر بند ہوا۔آج کاروبار کے دوران انڈیکس 1445,187 پوائنٹس کی بلند ترین سطح پر ٹریڈ ہوا،مارکیٹ میں آج 52 ارب روپے مالیت کے 78کروڑ حصص کے سودے ہوئے، مجموعی طورپر 484 کمپنیوں میں شیئرز کا کاروبار ہوا، 264 کمپنیوں کے حصص کی قیمتوں میں اضافہ اور 192 میں کمی ہوئی. واضح رہے کہ گزشتہ روز پاکستان اسٹاک ایکسچینج میں کاروبارکے اختتام پر انڈیکس میں 984 پوائنٹس اضافے کے ساتھ 100 انڈیکس 1لاکھ43 ہزار37 پوائنٹس پر بند ہوا تھا۔
پاکستان نیوز پوائنٹ سنگاپور کے وزیر برائے امور خارجہ ڈاکٹر ویوین بالاکرشنن نے آج اسلام…
پاکستان نیوز پوائنٹ فیلڈ مارشل سید عاصم منیر سے سنگاپور کے وزیر خارجہ کی جی…
پاکستان نیوز پوائنٹ وفاقی وزیر داخلہ محسن نقوی نے کہا ہے کہ اسلام آباد میں…
پاکستان نیوز پوائنٹ :اسٹیٹ بینک آف پاکستان نے چھوٹے اور درمیانے درجے کے کاروباروں (ایس…
پاکستان نیوز پوائنٹ امریکی اخبار واشنگٹن پوسٹ کی رپورٹ کے مطابق امریکی نائب صدر جے…
پاکستان نیوز پوائنٹ امریکا اور ایران کے درمیان ممکنہ معاہدے کے لیے سفارتی کوششوں میں…