امریکی حملوں کیلئے سرزمین فراہم کرنے والے ممالک کو ایران کی سنگین دھمکی

پاکستان نیوز پوائنٹ
ایران کی مسلح افواج کے جنرل سٹاف نے خبردار کیا ہے کہ اگر ایران کے خلاف کسی حملے کے لیے خطے کے ممالک کی سرزمین استعمال کی گئی تو تہران ایسے حملوں کے ذرائع کو بھی نشانہ بنائے گا۔ایران کی مسلح افواج کے جنرل سٹاف کی جانب سے جاری بیان میں کہا گیا ہے کہ بعض علاقائی ممالک اپنے سابقہ مؤقف کے باوجود امریکا کو ایران کے خلاف کارروائیوں کے لئے اپنی سرزمین استعمال کرنے کی اجازت دے رہے ہیں۔ بیان میں کہا گیا ہے کہ ایران اپنے پڑوسی ممالک کی خودمختاری کا احترام کرتا ہے، تاہم وہ ’کسی بھی جارحیت کو برداشت نہیں کرے گا‘ اور ایسے اقدامات کا ’مزید سخت جواب‘ دے گا۔ ایرانی فوج کے مطابق گزشتہ رات کی جوابی کارروائیاں بھی اسی پالیسی کے تحت کی گئیں۔