انڈونیشیا کے جزیرے سولاویسی میں ایک نرسنگ ہوم میں آگ لگنے سے 16 افراد جھلس کر ہلاک اور 3 زخمی ہو گئے

پاکستان نیوز پوائنٹ
انڈونیشیا کے جزیرے سولاویسی میں ایک نرسنگ ہوم میں آگ لگنے سے 16 افراد جھلس کر ہلاک اور 3 زخمی ہو گئے۔انڈونیشی میڈیا کے مطابق آتشزدگی کا واقعہ مناڈو شہر میں پیش آیا، رات کے وقت وردھا دامائی ریٹائرمنٹ ہوم میں آگ لگنے کی اطلاع ملی۔ایمرجنسی سروس حکام نے بتایا کہ ریسکیو اہلکاروں کو 16 افراد کی لاشیں ملیں جبکہ 12 افراد کو ریسکیو کیا گیا، ان میں سے 3 زخمیوں کو ہسپتال منتقل کیا گیا ہے۔ریسکیو حکام کے مطابق ہلاک ہونے والوں کی لاشیں ان کے کمروں کے اندر سے ملی ہیں، آتشزدگی کے وقت بہت سے بزرگ رہائشی اپنے کمروں میں آرام کر رہے تھے۔