پاکستان نیوز پوائنٹ
بھارت میں ایک ریٹائرڈ پروفیسر سے ڈیجیٹل گرفتار ی کے فراڈ میں 9 کروڑ بھارتی روپے لوٹ لیے گئے۔بھارتی میڈیا کے مطابق یہ واقعہ ممبئی میں پیش آیا جہاں ایک 85 سالہ بزرگ شہری کو منی لانڈرنگ اور دہشت گرد تنظیم سے تعلق کے جھوٹے الزامات سے ڈرا کر 9 کروڑ(تقریباً 28 کروڑ پاکستانی روپے) نکلوالیےگئے۔رپورٹ کے مطابق متاثرہ شہری ریٹائرڈ پروفیسر ہیں جو ایک انجینئرنگ کالج میں کسی شعبے کے سابق سربراہ رہے ہیں۔پولیس کو دی گئی رپورٹ کے مطابق متاثرہ شہری کو ایک فون کال موصول ہوئی جس میں کال کرنے والے نے اپنی شناخت ایک پولیس انسپکٹر کے طور پر کروائی۔ جعلی افسر نے بزرگ شخص کو بتایا کہ ان کا نام اور آئی ڈی کارڈ نمبر ایک ایسے بینک اکاؤنٹ میں استعمال ہوا ہے جو غیر قانونی سرگرمیوں میں ملوث ہے، انہیں ڈرایا گیا کہ ان کے خلاف کیس درج ہو چکا ہے اور جلد ہی سی بی آئی اس کیس تحقیقات شروع کرےگی۔پہلی کال کے 3 روز بعد متاثرہ شخص کو واٹس ایپ پر ایک ویڈیو کال موصول ہوئی جس میں ایک شخص پولیس یونیفارم پہنے ہوئے تھا۔ اس نے بزرگ شہری کو بتایا کہ ان کے وارنٹ گرفتاری جاری ہو چکے ہیں اور انہیں ڈیجیٹل گرفتاری میں رکھا گیا ہے، ویڈیو کال پر ان سے بینکنگ اور سرمایہ کاری کی تمام تفصیلات طلب کی گئیں اور انہیں سختی سے خبردار کیا گیا کہ یہ معاملہ کسی کو نہ بتائیں۔بھارتی میڈیا کے مطابق بزرگ شہری نے خوفزدہ ہوکر کال کرنے والے کی ہدایات پر آنکھیں بند کرکے عمل کیا۔ انہیں کہا گیا تھا کہ وہ اپنے تمام میوچل فنڈز، فکسڈ ڈیپازٹ اور شیئرز سمیت اپنی تمام سیونگز مختلف بینک اکاؤنٹس میں منتقل کر دیں۔ اس دوران ان سے جھوٹا وعدہ کیا گیا کہ ‘تصدیقی عمل’ مکمل ہونے کے بعد یہ رقم سود سمیت انہیں واپس کر دی جائےگی۔اس کے بعد بزرگ شہری آئندہ 3 ہفتوں تک وقفے وقفے سے رقم منتقل کرتے رہے۔ تاہم جب فون کالز کا سلسلہ بند ہوگیا اور متاثرہ شخص نے مبینہ تحقیقاتی افسروں سے رابطہ کرنے کی کوشش کی تو کوئی جواب نہیں ملا، تب انہیں احساس ہوا کہ وہ فراڈ کا شکار ہو چکے ہیں، انہوں نے فوری طور پر مقامی پولیس اسٹیشن میں شکایت درج کروائی، جس کے بعد پولیس نے مقدمہ درج کرکے معاملے کی تحقیقات شروع کر دیں۔بھارتی میڈیا کے مطابق بھارت میں ڈیجیٹل گرفتاری کے فراڈ کے ہزاروں واقعات سامنے آرہے ہیں۔ بھارتی حکام کا کہنا ہےکہ ایسے فراڈ سے منسلک ہزاروں سوشل میڈیا اکاؤنٹس بند کیے جاچکے ہیں۔
پاکستان نیوز پوائنٹ امریکی صدر ڈونلڈ ٹرمپ نے بھارت کی بلا اشتعال جارحیت پر پاکستان…
پاکستان نیوز پوائنٹ وزیراعظم محمد شہباز شریف نے پاکستان بحریہ اور اس کی قیادت کو…
پاکستان نیوز پوائنٹ پاکستان نے نورستان میں ہونے والی جھڑپوں سے متعلق افغان طالبان حکومت…
پاکستان نیوز پوائنٹ اسپیکر خیبرپختونخوا اسمبلی بابر سلیم سواتی نے وفاقی وزیر داخلہ محسن نقوی…
پاکستان نیوز پوائنٹ پاک بحریہ کی آبدوز ہنگور نے شمالی بحیرہ عرب میں پہلی لائیو…
پاکستان نیوز پوائنٹ امریکی صدر ڈونلڈ ٹرمپ نے ایران کی جانب سے پیش کی جانے…