بھارت نےپاکستانی طیاروں کیلئے اپنی فضائی حدود بند کر دیں

پاکستان نیوز پوائنٹ
پہلگام میں پیش آنے والے حملے کے بعد بھارت نے انتقامی پالیسی کا مظاہرہ کرتے ہوئے پاکستان کی تمام کمرشل اور فوجی پروازوں کے لیے اپنی فضائی حدود بند کر دی ہیں، بھارتی میڈیا کے مطابق یہ اقدام 30 اپریل سے 23 مئی 2025 تک نافذ العمل رہے گا۔ بھارتی حکام کے مطابق یہ فیصلہ 22 اپریل کو پہلگام میں ہونے والے حملے کے بعد ردعمل کے طور پر کیا گیا، جس میں 26 افراد ہلاک ہوئے تھے، حملے کے بعد بھارت نے بغیر کسی تحقیق کے پاکستان پر انگلیاں اٹھائیں، سندھ طاس معاہدہ معطل کیا، اٹاری-واہگہ بارڈر بند کیا، پاکستانی شہریوں کے ویزے منسوخ کیے، اور اب فضائی حدود بند کر کے دشمنی کو مزید بڑھا دیا ہے۔