سلامتی کونسل کی دہشتگردوں کی فہرست میں تمام افراد مسلمان ہی کیوں ہیں؟ پاکستان

پاکستان نیوز پوائنٹ
پاکستانی مندوب عاصم افتخار نے کہا ہے کہ سلامتی کونسل کی فہرست میں صرف مسلمان ہی دہشت گرد کیوں ہیں۔ غیر مسلم انتہا پسند اور دہشت گرد اکثر احتساب سے بچ نکلتے ہیں۔ پاکستانی مندوب عاصم افتخار کا سلامتی کونسل سے خطاب کیا جس میں انہوں نے کہا کہ سلامتی کونسل کی فہرست میں ایک بھی غیر مسلم دہشت گرد موجود نہیں۔ پاکستانی مندوب نے واضح کیا کہ یہ سمجھ سے بالاتر اور قطعاً ناقابلِ قبول ہے کہ سلامتی کونسل کی فہرست میں ایک بھی غیر مسلم دہشت گرد موجود نہیں، یہ صورتحال بدلنی چاہیے ان کا کہنا تھا کہ کالعدم ٹی ٹی پی، بلوچ لبریشن آرمی اور مجید بریگیڈ کا تعاون امن کے لیے خطرہ ہے۔ عاصم افتخار نے سلامتی کونسل سے خطاب میں کہا کہ داعش آج بھی عراق، شام اور افغانستان میں ایک فعال خطرہ ہے، جہاں ہزاروں جنگجو موجود ہیں۔ پاکستان مندوب نے بھارت پر الزام لگاتے ہوئے کہا کہ انڈیا نہ صرف پاکستان میں دہشت گردی میں ملوث ہے بلکہ عالمی سطح پر بھی پاکستانیوں کو نشانہ بناتا ہے۔ ان کا مزید کہنا تھا کہ دہشت گردی کے خاتمے کے لیے ایک جامع حکمتِ عملی اپنائی جائے۔