صدرمملکت آصف علی زرداری نے مدارس رجسٹریشن ترمیمی ایکٹ 2024 پر دستخط کردیے

پاکستان نیوز پوائنٹ
کئی مہینوں کی تاخیر کے بعد صدر مملکت آصف علی زرداری نے سوسائٹیز رجسڑیشن ایکٹ 2024 پر دستخط کردیے. جس کے بعد دینی مدارس کی رجسٹریشن کا بل قانون بن گیا جب کہ جمیعت علمائے اسلام (جے یو آئی ف) نے پیش رفت کا خیرمقدم کیا ہے۔ صدرمملکت آصف علی زرداری نے مدارس رجسٹریشن ترمیمی ایکٹ 2024 پر دستخط کردیے۔ترجمان قومی اسمبلی کے مطابق سوسائٹی رجسٹریشن ترمیمی ایکٹ 2024 صدرمملکت کے دستخط کے بعد ایکٹ بن گیا۔ وزیراعظم کی ایڈوائس پر صدرمملکت نے بل سے متعلق سمری کی منظوری دی۔صدرمملکت آصف علی زرداری نے27 دسمبرکو سوسائٹیز رجسٹریشن ترمیمی ایکٹ 2024 پر دستخط کیے ہیں۔ سوسائٹیزرجسٹریشن ترمیمی ایکٹ کا بل 20 اکتوبرکو سینیٹ اور21 اکتوبرکوقومی اسمبلی سے منظور ہوا تھا۔صدرمملکت آصف علی زرداری نے مدارس رجسٹریشن سے متعلق ترمیمی آرڈیننس بھی جاری کردیا۔ صدرمملکت نے سوسائٹیز رجسٹریشن ترمیمی آرڈیننس 28 دسمبرکو جاری کیا۔ایوانِ صدرکے مطابق آرڈیننس کا اطلاق وفاقی دارالحکومت اسلام آباد تک ہوگا. مدارس اپنی مرضی سے وزارت صنعت و پیداوار یا وزارت تعلیم سے رجسٹر ہوسکیں گے۔ترجمان قومی اسمبلی کے مطابق آرڈیننس کے ذریعے ایکٹ کے سب سیکشن 5، 6، 7 میں ترامیم کی گئی ہیں۔ وزیراعظم شہبازشریف کی سفارش پر صدرمملکت نے آرڈیننس کی سمری کی منظوری دی۔قومی اسمبلی سیکرٹریٹ نے گزٹ نوٹیفکیشن کے لیےدستاویزپرنٹنگ پریس آف پاکستان کو بھیج دی۔ دوسری جانب چیئرمین پاکستان علما کونسل علامہ طاہراشرفی نے صدرمملکت کی طرف سے مدارس رجسٹریشن بل پردستخط کا خیرمقدم کرتے ہوئےنجی نیوز سے گفتگو میں کہا کہ مدارس كى رجسٹریشن تمام معاملات حل ہوگئے۔مدارس كى آزادی خود مختارى ہرصورت مقدم ہے۔