صدرِ مملکت کا گوجرانوالہ چھاؤنی کا دورہ آپریشن بنیان المرصوص کی کامیاب تکمیل پر افواجِ پاکستان کو مبارکباد

پاکستان نیوز پوائنٹ
صدرِ مملکت آصف علی زرداری نے گوجرانوالہ چھاؤنی کا دورہ کیا، وزیر داخلہ محسن نقوی بھی اُن کے ہمراہ تھے گوجرانوالہ چھاؤنی آمد پر صدرِ آصف علی زرداری اور محسن نقوی کو آرمی چیف جنرل سید عاصم منیر نے خوش آمدید کہا ۔ صدرِ مملکت نے معرکہ حق آپریشن میں پاک فوج کی پیشہ ورانہ مہارت کو خراج تحسین پیش کیا۔ انہوں نے بلا اشتعال جارحیت کے خلاف پاک فوج کی جرات و استقامت کی تعریف کی۔ آصف علی زرداری نے شہداء کو خراجِ عقیدت، قربانی کو قومی فخر قرار دیا ۔ صدرِ مملکت نے اس موقع پر کہا کہ قوم کے سپوت دفاع وطن میں سیسہ پلائی دیوار بنے رہے، چند گھنٹوں میں دشمن کی جارحیت ناکام بنانا پاک فوج کا تاریخی کارنامہ ہے۔ انہوں نے آپریشن بنیان المرصوص کی کامیاب تکمیل پر افواجِ پاکستان کو مبارکباد پیش کی ۔ صدر آصف علی زرداری نے افسران و جوانوں کے جذبے، تیاری اور فرض شناسی پر اظہارِ فخر کیا، کہا کہ قوم اپنے بہادر سپاہیوں کو قومی وقار اور خودمختاری کا محافظ سمجھتی ہے ۔